| Bisos
cun Trobeas
Mi ch’ischido a batissu
de suore,
isprasumadu in bisos, ch’intre coro
mi ch’ant irvaliadu cun s’issoro
garrigu de frastimu dolu e pore,
cun s’anima martzida de puntore
mant fertu cun s’atarju a punt’ ‘e oro.
Frades...galanos Frades mi si zirant,
s’anima mea chircan pro s’impicu,
pesan ghertu e ponzende solu aficu
a sa peus manera non mi mirant,
ruju samben dae intr’ ’e ’enas tirant,
lassendemi su corpus tost’ e sicu.
Oih … it’est su ch’isco,
su ch’intendo
de custos pessamentos costoidos,
in domos dolorosas imbastidos
cun manos in abunzos…; non cumprendo
su narrer cun su parrer, no l’aprendo,
e m’istasint cun dolos pessighidos.
E torrant… e joghende, cun isfadu,
intrant e bessint, brincant in jannile
de-i sonnios… Sorres…cun s’ardile
mi ruent a s’istrump’ ‘e s’orvidadu,
s’apentant cando ruo illudriadu,
mi sinnant che s’anzon’ ‘e pascaprile.
E gosende che ‘ortant cussa fatza,
risulanas… a laras trofitzadas,
cantendemi cantones afartzadas,
e ponzendemi in cara una caratza,
mi lassant…e che fera ferta in catza
mi sighint e m’agabban a lepadas.
M’abizo chi non dolet a ghertare,
petzi sa mente dolet ca nd’est ferta,
ca s’istillu iferchidu l’at abberta
e semenad’ ’e dolos d’ ammentare,
ch’intro nd’apo a lassare ingalenare,
ca d’asselenu e pasu so in cherta.
E lasso cussu ferru de cadenas
ch’in custu manzanile si b’iscazat,
intr’ ‘e fritu suore chi bi cazat
selenu illepiadu dae penas,
e fag’ andare in custas graes benas
su samben chi buddidu carre apazat . |
Pastoie
Il freddo sudore mi sveglia
da sogni di morte
dove... fratelli…
svuotano queste vene
rattrappiscono la mia carne
quale e cos’è il sapere
che non so’
che non comprendo …ed è tessuto…avvelenato
mi sfinisce col continuo dolore
Sorelle...
confondendo i miei sogni
m’infangano
con…il sacrificio…della festa
E godono
come baccanti…
canzonando
mi coprono il volto
… … … …
sento
che no è la guerra
il dolore…
“è la mente…il ricordare…quel seme!”
lascerò che si assopisca
alla ricerca…d’ingannare il tedio
e…saranno sciolte le catene
in quest’alba
dentro il sudore freddo che s’addensa
di leggera serenità
nel far correre in queste pesanti vene
il caldo sangue che alimenta la carne…
|
