BOIS
CH’IN SARDIGNA ANDADES
Luisa Scarpa Chessa
Bois chi in Sardigna bo che andades
mi saludades cuss’isola bella,
no bos ismentighedas cuss’istella
de mama mia, forte t’abbrazzades.
Chi la penso ogni die li narades,
basadela pro me sa car’ancella,
saludade s’aurora novella,
isteddos sol’e luna saludades.
Si sa zente de me sempre s’ammentat,
su c’hapo fattu l’hat ismentigadu,
ca pius no m’hat bidu si lamentat?
S’annu chi ‘enit si
est fortunadu,
e chi perunu male mi turmantat,
parto dezisa e in cuidadu.
|