Bolos
Cando una mariposa
frimmat muda su ‘olu
po si pasare subra unu fiore,
est sa natura ermosa
a li dare consolu,
donàndeli ‘e sa vida su durcore.
E issa, cun bramore,
sutzat e si sustentat;
e non li dat istragu
su ischire chi pagu
in mesu ‘e nuscos diligos ch’istentat.
Po calchi die o chida
mustrat sa ‘este sua colorida.
E non tenet ammentu
de su tempus coladu,
cando in sa terra fit istrisinande,
chircande cun istentu
su logu ube filadu
at sa domo chi bida l’at mudande
in su chi oe ‘olande
est de bellesa ispantu,
appentu ‘e lebiores,
ammàcchiu ‘e colores
chi che pintore tinghen un’accantu
s’aera isbiorida,
mancari curtza siat cussa vida.
Su sole caldu ebbia
in bolu l’accumpanzat
in padros chena dolu ne trumentu,
ube cun galania
sos fiores l’iscanzat
po chi li siat durche s’ausentu.
E in sa terra lentu
sighit su viver nostru,
cun gosos e dolore,
cun bisos in colore
de ammentos regoltos in su sostru,
ube ‘olat sa mente,
cando de nudda est prenu su presente.
|
Voli
Quando una farfalla
ferma muta il suo volo
per posarsi sopra un fiore,
è la natura leggiadra
che le dà conforto,
regalandole le dolcezze della vita.
Ed essa, bramosa,
succhia e si alimenta;
e non la infastidisce
sapere che per poco
si tratterrà tra delicati profumi.
Per qualche giorno o settimana
mostra la sua veste colorata.
E non ha ricordi
del tempo trascorso,
quando sulla terra strisciava,
cercando lentamente
il luogo dove filato
ha la casa che l’ha vista mutare
in ciò che oggi in volo
è meraviglia di bellezza,
gioco di leggerezze,
incanto di colori
che come un pittore dipingono un po’
l’aria scolorita,
nonostante sia breve quella vita.
Solamente il sole caldo
l’accompagna in volo
in prati senza dolore né tormento,
dove con eleganza
le schiude i fiori,
affinché le sia dolce il riposo.
E sulla terra lento
continua il nostro vivere,
con gioie e dolori,
con sogni in colore
di ricordi conservati in soffitta,
dove vola la mente,
quando di nulla è pieno il presente.
|
