|
(A sa bidda mineraria de Seddas Moddizzi)
Boxis de bentu
in triaxus scolembraus
de fentanas a ogus sprappeddaus
e in cràcchiris birdancius chi sinniat
giomitrias alleppuzzadas de diora.
Or’oru a sa castiada
una cresiedda oberta
a is òminis e a is stasonis
cantu pregadodias torrat
e èrchidus de prexu
po is coias sinzillas
prenas de trigu e de limpiori
A duus passus de mei
ammanciada de su soli de istadi
cun aposentus arregiollaus
de pàssus speddiosus
sa domu a boxi bascia fueddat
de s’òmini a coru mannu
chi sa bandera de sa pobira genti
at sbentulau finzas a bentu contras.
Minera impresonada in s’arregordu
cun buccas obertas sene arrisus
trumentus scòviat e boxis pèrdias
in zèrrius de arrabiu cara a su monti
intre tiradas de boettas fumadas a sfrusia
candu sa sciorta calàt finzas a s’estremu.
E ita narant imoi
cussas boxis pipias
chi avattu a una boccia ammacchiada
scruzzus chi benimindi
currigliant sene si intendi straccus
infustus de sudori e bisus arestis?
Beccitteddus de prazza
cun fustigus allisaus
ita ciacciarrant tippìu-tippìu
castiendi ora a celu ora a is manus chi tremint
forzis circhendi sa coa de s’edadi giai bivia?
Unu arrampus de murta sene froris
firmat is passus
s’umbra de una mata manna
sanziat fragus de soli
e deu spantada
de is toccus chietus de s’aria
e de is sulidus asulus de su bentu
boddu comenti frori custa poesia
chi sa minera sbodia lesta m’apporrit.
Le
voci del vento
(Al
villaggio minerario di Seddas Moddizzi)
Voci di vento
nei telai sbilenchi
di finestre con gli occhi spalancati
e in verdi cespugli che marcano
geometrie eleganti di allora.
In fondo allo sguardo
una chiesetta aperta
agli uomini e alle stagioni
quante preghiere ripete
e gridolini allegri
per le nozze belle
piene di grano e di candore.
A due passi da me
macchiata dal sole d’estate
dentro stanze piastrellate
di passi ansiosi
sottovoce la casa parla
dell’uomo dal cuore grande
che la bandiera della povera gente
ha sventolato anche col vento contro
Miniera imprigionata nel ricordo
con bocche sbalordite senza risa
mostra tormenti e voci perse
in grida di rabbia verso il monte
tra sigarette fumate di nascosto
quando scendeva il turno sino all’estremo.
E adesso cosa dicono
quelle voci bambine
che seguendo una palla impazzita
con gioia scalzi
mai stanchi corrono
bagnati di sudore e sogni acerbi?
Vecchietti della piazza
con bastoni lisciati
cosa dicono fitto-fitto
guardando ora il cielo ora le mani che tremano
forse cercando la scia dell’età già vissuta?
Un ramo di mirto senza fiori
ferma i passi
l’ombra del grande albero
oscilla profumi di sole
ed io stupita
dal tocco lieve dell’aria
e delle carezze azzurre del vento
colgo come fosse un fiore questa poesia
che la miniera vuota svelta mi porge.
Seconda Classifica Verso Sciolto Premio di Poesia Sarda Posada - Posada
2016
|
