Ca tue m’a dadu amore
di Lorenzo Pusceddu

It’incantu chi ses, cando lizera
a bellu a bellu ammaliadora t’ispozas
pro donare a sa luche
e a sos ocros mios

sas bellesas chi cuas
sutta s’inutile velu
chi no at piedu
pro sos disizos mios.

Che undas caminas
dande forma a su mare
inue cuadas dulzuras
isetan chi jeo las aspire
che nuscos ispartos in s’aèra.

Cando fraccu m’intendo
astringo che ancora de vida
iscoglios de brunzu a su sole
chi daen aunzu a s’istima.

As difesu grutas secretas
inue in s’iscuru, zelosa, as collidu
ranos dae sa natura donados
sos chi cras an a imprinzare sa terra.

Ca tue m’as dadu amore
apo aradu s’iscra de su sartu,
semendau in sos surcos fecundos
e messadu sas doradas ispicas.

50° Città di Ozieri - Premiu Ispetziale “Toninu Ledda”