Calat su sero
di Franco Maccioni

In d'unu mare
de ammentos,
affogo!
In d'unu chelu
' e nues,
mi perdo!
Sa rena infusta
mi frimmat
su passu,
e s'abba
proinde
trasformat
unu bicculu 'e chelu
in d'una taula
'e pintore.
Como, unu druche reposu!
Affogo e mi perdo
infustu de prantu,
chilcande sa paghe
in s'animu meu,
e calat su sero!

Attestato di partecipazione alla Terza Edizione del premio letterario in lingua sarda “Poetendi e Contendi – Scalepranu in poesia” e pubblicazione della poesia nel libro contenente le opere Premiate.