CAND’EST NOTTE SIGNORE
Luisa Scarpa Chessa

Alza sas manos tuas o Signore
e salva custos ojos da-e morte,
manda sa lughe tua pius forte,
sanalos ca sun zegos pro dolore.

Dami su coro ‘onu pro amare
similes mios e bonos e malos,
Tue chi faghes divinos regalos,
no t’ismentighes Deus ‘e mi chircare.

Faghe chi restet bia s’isperanzia
de t’ider una die deo puru,
Signore no mi lessas in s’iscuru
mantenela cun megus s’alleanzia.

Ti prego Deus meu, dami sas manos,
Tue mi ses bidende, ses inoghe,
isculta sa mi’affannada ‘oghe
ch’in su mundu restemus sempre sanos.

Buonanotte ti dan sos critiamos…