Intònami Antonello una cathone
Chi m’ammentet su tempus coladu
Canno in cumpanzia e ispensieradu
Cantàbamus su sero a tenore

Ammentami sa gherra ‘e sos troianos
Canta de Paride e de Elena s’amante
De Ulisse e de su caddu gigante
De s’esule Enea e de sos romanos.

Canta Antonello a tenore
Istorias de dolore e de affettu
De Orlando chi ne perdet s’intellettu
De Dalila, Penelope e Didone.

Ammèntalas e càntalas pro mene
Est dae meda tempus chi b’ispero
Canta si m’istimas custu sero
Ti ringrazio e ti auguro donzi bene.