An a mòrrere àteras lunas
e àteros istios an a bènnere,
ma non b’an a èssere
àteras nottes pro nois,
ne àteras dies de sole.
In sas chentu biseras de sa luna
t’ap’a bisare ebbia,
gai, comente fis tue:
cando riende
e cando inchizida,
cando forte
e cando leviana,
fortzeri e funtana
pro me pedulianu
sididu. In nottes
tèbias de istiu
in sa pagh’ ‘e su sinu tou ‘e ambra
m’ap’a pasare
e in su fungudu ‘e sos ojos
tuos color’ ‘e mare ap’affungare
sos mios, istraccos
e malàidos de tristura.

in Tàttari su 3 de bennarzu ‘e su 2011

---------------------------------------------------

Poesia per un amore

Altre lune moriranno
e verranno altre estati,
ma non ci saranno
altre notti per noi,
né altri giorni di sole.
Nelle cento sembianze della luna
ti sognerò soltanto,
così, come tu eri:
quando sorridente
e quando accigliata,
quando forte
e quando fragile,
scrigno e fontana
per me mendicante
assetato. In tiepide
notti d’estate
nella pace dei tuoi seni d’ambra
riposerò
e nel profondo dei tuoi occhi
color del mare immergerò
i miei, stanchi
e ammalati di malinconia.