Deo a note piena
enzo a cantar'a tie
e po te ermosa Elena
no riposo not'e die:
si t'idere in man'anzena
sun pugnaladas a mie;
ispero cussu guai
de no sutzeder mai.

Dorm'in su letu e pasa
lassa sa malinconia
a sa passione mia
rispondes mandend'a crasa:
ell'e prite no mi dasa
sa tua dultze cumpagnia;
avicin'a manu tesa
cale mezus cuntentesa.

Abberi cussa ventana
fàghemi unu signale
tue bella naturale
no podes morrer bajana;
su istar'intro sa tana
ti podet esser fatale:
mezus chi lu manifestes
e bajana no bi restes.

So che ligadu a ruos
su t'intender faeddare
cuddos bellos ojos tuos
bènini a nde falare:
si mi fissan ambol duos
mi faghen dilliriare;
tue cust'amore godes
liberare non ti podes

Est vicinu s'aurora
che a tie colorida
tue in su letu dormida
deo cantèndedi fora:
nàrami rosa dechida
si isperantza ndap'ancora;
chi no reste fitianu
fritu che i su manzanu.