It’est sa vida mia, sa vida mia
in custu andai a de dìi e a denotti
po depi binci o perdi e po cumbatti
donnia axìu, donnia tribulia
it’est sa vida mia, sa vida mia…
Est bisu chi no s’est mai cumprìu
o iscummissa manna o unu giogu,
est’una notti longa de scurìu
ind’unu arrìu de acuas e de fogu
fattu de fumu, pampas e frarìa?
It’est sa vida mia, sa vida mia
unu frastimu o una pregadoria?
Est sentori de arrosa in su bentu,
est musica o unu cantu chene contu?
Est folliu pastissau de romanzu
o frori de narbedda o caraganzu
nàsciu in coretta or’oru de sa ‘ia?
It’est sa vida mia, sa vida mia…
Naraimiddu ca si ddu pregontu,
naraimì chi est arrisu o unu prantu
ammantu de trumentu e tribulia,
it’est sa vida mia, sa vida mia…
It’est sa vida mia, sa vida mia…

Est poesia cantada a su mundu
pintada de bellesa e de colori
o scabiossu ‘e scurìu, sperefundu
chi nieddìgat nottis de lugori
bestidas de dolori e de angustia?
It’est sa vida mia, sa vida mia…
Naraimiddu immoi chi m’ascurtais
bosatrus chi intendeis e mi bieis
naraimiddu anch’est chi m’agatais
aintr’e is alas de sa fantasia
o in cust’umbra chi mi fait cumpangia?
Svelaimì su segretu ca d’allogu,
nd’ap’a fai sa prenda prus nodìa,
est attitidu ‘e grisantemu grogu
o boxi bella de mèndula infroria?
It’est sa vida mia, sa vida mia…
It’est sa vida mia, sa vida mia…

Canzone di vita. Cos’è la vita mia, la vita mia / in questo andare di giorno e di notte / per vincere o perdere e per combattere / ogni ansia, ogni tribolazione / cos’è la vita mia, la vita mia… / E’ sogno che non si è mai compiuto / o una grande scommessa oppure un gioco, / è una notte lunga e tenebrosa / dentro un fiume di acque e di fuochi / fatto di fumi e vampe sfavillanti? / Cos’è la vita mia, la vita mia, / una bestemmia oppure una preghiera? / E’ fragranza di rose nel vento, / è musica o un canto senza conto? / E’ foglio pasticciato di romanzo / o fiore di malva o margherita di selva / nata nel fango ai bordi della via? / Cos’è la vita mia, la vita mia… / Voi ditemelo che ve lo sto chiedendo, / ditemi se è un sorriso oppure un pianto / ammanto tribolato di tormento, / cos’è la vita mia, la vita mia… / E’ poesia cantata al mondo / dipinta di bellezza e di colore / o un dirupo tenebroso e profondo / che annerisce notti di plenilunio / vestendole di patimento e dolore? / Cos’è la vita mia, la vita mia,,, / Ditemelo ora che mi ascoltate / voi che mi sentite e mi vedete / ditemelo dov’è che mi trovate / dentro le ali della fantasia / o in quest’ombra che mi fa compagnia? / Svelatemi il segreto che lo conservo / ne saprò fare il tesoro più ambito, / è canto prefico di crisantemo giallo / o bella voce di mandorlo fiorito? / Cos’è la vita mia, la vita mia… / Cos’è la vita mia, la vita mia…

Premiu Paulicu Mossa 2022 – Bonorva – Prima classificata