Ammentos de consolu
m’acudint cun sos bentos
de cantos de amor’in sa leada.
E tando leant bolu
sos bellos pensamentos
de cando m’as amad’a prim’ojada,
birde su naizolu
pro antigos turmentos,
in sos chelos lughentes gal’ amada,
carignos de istellas
sas paràulas bellas.

Fiores de disizu
naschiant in sa corte
cun nuscos e colores de ispantu
in chelu s’assimizu,
sa gioventura forte
chi viviat donz’ora che incantu;
gosu fit pro aizu,
iscura fit sa sorte
chi fit già iscriende tristu cantu
pro dare su cunfortu
a cussu mannu tortu.

Caentat cust’amore
chi binchet tristu fadu,
cand’in bijones torrant sos abbojos,
istudat su dolore
chi nos at separadu
pienende de làgrimas sos ojos,
abbratzat in s’albore
unu coro segadu
in dies filchinadas in torojos,
ma torrad’a brotare
ca s’amment’est amare.

_________________

Carezze di stelle

Ricordi di consolazione
arrivano con i venti
che trasportano i canti d’amore nella contrada.
E così prendono il volo
i dolci pensieri
di quando mi hai amato a prima vista;
un verde ramoscello di conforto
per gli antichi tormenti.
In luminosi cieli sono ancora amata,
son carezze di stelle
le tue parole d’amore.

I fiori del desiderio
nascevano nel giardino,
con profumi e colori che stupivano
come la bellezza del cielo;
la gioventù era forte,
viveva ogni attimo come un incanto,
ancora ignara che le gioie erano effimere,
ci attendeva una sorte crudele
che già componeva un triste canto
per confortare
il grande torto.

Terranoa, su vinti de frearzu de su duamiza e vintunu

Segnalazione al Concorso di poesia “Pietro Casu” XV edizione (2020-2021)