CARU GIACOMO
di Mimmia Soro

Caru Giacomo istimadu
deo dogn'ora t'ammento
como ch'in vena mi sento
custa littera t'iscrio.
Caros saludos t'imbio
cun affettu e cun amore
e cqantos a tenore
a chiterra e poesia
chi ponene allegria
in dogni part'e su mundu;
e-i su ballu tundu
chi ballana sas bajanas
in sas sagras paesanas
de sa terra tua e mia,
chi cun tanta nostalgia
eo la penso nott'e die
mi che parzo sempre inie
ma dolente nde so fora
e si cres no bido s'ora
a inie de torrare.
Mai fino de pregare
a sero e a manzanu
però sa pregadoria
no intenden de Mimmia
paret so preghende invanu.
Si tue mi dasa una manu
e mi aggiuasa a pregare
prega de nos incontrare
i cussu logu isolanu.
Gai faghimus festa
i intonamus protesta
contr'a sos guvernantes
pro chi sos emigrantes
torrene a domo issoro
ue s'amadu tesoro
mai s'istracat de ispettare.
S'abba torrada a su mare
ca est su maternu sinu
s'issa agatat su caminu
pruite no l'agato deo?
A su destinu no creo
ca m'hat tessidu una trama
torrare fizzu a sa mama
est pius che naturale.
Però su nostru istivale
est pagu e male amministradu
in esodo c'han mandadu
semene, fior'e fruttu,
mamas e isposas in luttu
postu han senza piedade,
custa est barbaridade
Giacominu a mie crè
mal'istamis cun su rè
e sa dittatura fascista
e su regime comunista
no hat batidu mezzoria
e cu sa democrazia
semus sempre peorende
Berlusconi est protestende
e nadu hada a Romanu
(si ti cheres salvu e sanu
parti,e no boghes musciu
ca si no betto unu frusciu
chi chel'intenden lontanu
e a mi dare una manu
benit Baier, Putin e Buschu,
sos amigos de so coro
batin mirra, incensu e oro
e mi torran sa corona)
Deus no la mandet bona
chi nos siat de aggiudu
nando a tottu unu saludu
cun affettu e simpatia
e a su pasticciu 'e Mimmia
no diasa meda pesu
na ispero hapas cumpresu
cantu lughet no est'oro.
a nos intendere cun salude