Toccos a mortu,
dae manzanu,
donzi die, semper gai,
lepiu, si perdet in s’aera,
su son‘e sas campanas.
Gherra chena fusiles,
in dies de disisperu,
s’inimigu
est chei su‘entu,
non lu potes firmare.
Unu fronte, s’ispidale,
pagas armas
e cantos antzelos in terra,
chi cumbattent a sa muda,
sont eroes de custu tempus.
Bergamo, mama addulurida,
sutta chelos de tristesa,
che intregad’a sos toccos,
mancu prus lagrimas in cara,
ma galu forte, coratzosa.

Terzo Premio - Concorso Regionale di Poesia Sarda #Abarraindomotua# (Sedilo) 2020