Chent’annos de vida
di Gaspare Mele

A sos poetas de Luisi Ladu

Cun sa virtude e Deus in coro
chi m’a dadu dae sa naschida,
e m’a donadu chent’anno de vida
de custa grassia divina mi onoro.

Comente a mie, pro Vois imploro
chent’annos de vida pulida.
Amare su prossimu er decoro
in s’andala e Deus ingrandida.

A tottu sos presentes chi siata
sa virtude d’esempiu cristianu
de pache, amore e fratellanza.

E Deus Creadore bos diata
benessere in donzi circustanzia
de vivere ‘onzunu felice e sanu.

Orotelli, 28-04-2011
============
Amus connottu, idu e proadu
de Deus sa sua santa missione,
de Gesusu sa Sua predilezione
chi sa Virgine Maria ata incarnadu.

Deus lata pro bonu decretadu
a sarbare su mundu dae perdizione,
in custa sacrosanta benedizione
de peccare nos'ata salbadu.

Sa cosa pius bella e secura
est'de Deus sa virtude santa
vatta, pro nos dare pache duratura.

Oe in vida, crasa in sepoltura,
è sa legge divina sacrosanta
pro donzi naschida creatura.

===========

In custa vida terrena transitoria
es proa de sa nostra facultade
sa virtude, sa pache s'onestade
è signu esemplare da vittoria.

Lu nara sa gente, lu canta s’istoria
- insignamentu de capassidade,-
si custu osservas cun sinceridade
de vivere in eternu à sa gloria.

Oe, a chent'annos so dubbidosu
de aere meritu in paradisu
de su ch'appo in vida operadu.

Sempere appo a Deus misericordiosu
de l'amare e serbire decisu
de mi liberare de pen'e peccadu.

Orotelli, 16-5-2011