Chent’annos…..un’ora!

(1871-1971-Pro sos chent’annos de sa nàschida de Gràssia DELEDDA)

Chent’annos…..
un’ora pro custa Terra antiga!
De tantu tempus
restat solu sa mùtria ‘e su ‘entu
in s’oru ‘e sa gianna
e in unu mare de pedras alluttas
àspida
restat sa melodia
de una ‘oghe chena tempus.
Puddedros iscappos
disizos e sònnios s’impìnnana
e che pumas
lezeros
bolan subr’a roccas e chercos
che tando….. che sempre.
In s’olvidu affogat su dolu
e manna est sa ‘oza de cùrrere
e….. curres tando,
curres cuntentu
in mes’a tancas birdes
chena làccanas,
appéigas incrédulu
s’abba ‘e milli rios lìmpios
abbundantes
e cun manu ispantada
carignas fozas e fruttos
a deìscia, in tottue.
Pustis….. felitze
ti corcas a pes d’un’ozastru
e cantas de pastores, de canes,
de sirvones,
cantas d’una Terra dicciosa,
d’unu pópulu antigu
fieru e bonu,
cantas, cantas….. fintz’a notte.
Ma crudele
a s’accherada ‘e sa Luna
t’assustat s’istria
e s’incantu isvanessit.
Oh! Est curtza s’ispera
sutt’a unu chelu chena nues
e che tando….. che sempre
amigu
in ojos torrat su piantu.

Cent’anni….. un'ora!

(1871-1971 – Nel Centenario della nascita di Grazia Deledda)

Cent’anni…..
un’ora per questa Terra antica!
Di tanto tempo
resta soltanto il broncio del vento
sull’uscio di casa
e in un mare di pietre infuocate
aspra
resta la melodia
di una voce fuori del tempo.
Puledri sciolti
desideri e sogni s’impennano
e come piume
leggeri
volano sopra rocce e querce
come allora….. come sempre.
Il dolore affonda nell’oblio
e irrefrenabile è la voglia di correre
e….. corri allora,
corri contento
tra tanche verdeggianti
senza confini,
calpesti incredulo
l’acqua di mille limpidi torrenti
ricchi d’acque
e con mano stupita
accarezzi foglie e frutti
a bizzeffe, dappertutto.
Poi….. felice
ti corichi ai piedi d’un olivastro
e canti di pastori, di cani,
di cinghiali,
canti di una Terra fortunata,
di un popolo antico
fiero e buono,
canti, canti…..fino a notte fonda.
Ma crudele
appena appare la Luna
ti spaventa la strige
e l’incanto svanisce.
Oh! E’ breve la speranza
sotto un cielo senza nuvole
e come allora….. come sempre
amico
si riaffaccia il pianto.