Chissu chi no t’agghju dittu
è lu chi no pò esse scrittu
la palti di lu sintìtu
chi no v’ha paràuli
pa pudella cantà.
È la faccia misteriosa di l’amori
chi no si mustra
in tuttu lu so’ sprandori
ma laca un dulci dubbiu e timori
pa fa sunnià lu cori
e falli immagghjnà
l’almunìa ch’arìa ‘ulutu ascultà.
Chissu chi no t’àgghju dittu…
è sculpìtu
illa palti più cuàta di lu me’ sintìtu,
undi nisciunu sà ligghj
ma solu tu
poi cumprindì.

Primo premio al concorso letterario “ Giulio Cossu” ed. 2012/ 2013