Colores in biatzu
di Vincenzo Pira

In sa costa de mare
erva zalla brusà
colores de chelu
in sa tanca pintà.

Chin manzas de erveches
biancas che su manzanu
montes frittos che nie
s’oro de su eranu.

De ocu ruiu s’aneddu
che ocrosos istracos
brunetinas sas lavras
che mare nechidau.

Carena bianca che latte
rosa de maju ifriscà
ulias ispricu de nues
anzande abba arzentà.

Pilos nieddos che piche
Umbra iscura de s’eternu
Arva longa canuda
Luchente che isteddu.

Mele ranchiu irruiau
che sa uca tua
un’urtimu asu
po acatare pasu.