Comente t'ap'amare si non cheres
bintrare in coro meu cernente iughe
ma tottu su chi as bidu mi lu neres
ca non b'at nudda chi ti fettat rughe.

Iscritta dae su tempus est sa cara,
sos ojos sun fideles a sa proa,
non b'est sa mala fide in custa lara
chi est bistada sintzera a prima loa.

Mi chi sas oras nostras sun contadas,
non balet rinnegare su passadu
ma giuat chi sien tottas basadas

ca tempus benidore at già serradu
sos contos de sas nostras afìanzadas
cernente sulcos in terrinu aradu:

sun crèschidos prò nois sos pinos mannos
chi dan su fruttu in infinidos annos.

Terzo classificato – Budoni 2014