Coraggiu Margarida

Cust’umile messaggiu o Margarida,
Cunservadilu che unu tesoro
C’alleviat sas penas de su coro
E dudada in parte su dolore
In oras de nieddu iscurigore,
Illuminat s’andera de sa vida.

Coraggiu sorre amada e sias forte
Nascher’e, morrer’est,legge de natura
No esistidi per’una creatura
Ricca de ogni ben’essere in sa vida
Ca d’ogni cominzada enid finida
E s’ultima finida este sa morte.

Ca ses credentes,deves crere aberu
Curred sa vida accaddu ‘e su destinu,
Issu designat s’ignotu caminu,
Pro arrivare a su traguardu,
B’est chie arrivat chito e chie tardu
S’arrivu est zertu, s’ateru est misteru!

Da sa morte nisciunu si det franghere
S’ultima tapa,in terra de sos bios,
Dadu a custu mundu sos adios
Finimus de penar’e, de suffrire
In domo e Deus bintramus a godire,
Ma si est gai…pruite a pianghere??

Ti saludo.