Cunsideru 'e sa notte
di Antonello Bazzu

Un'àghera 'e ruinzu
at liagadu su chelu.

Subra sas téulas
cunsumidas de isporu e
chinnidas de piantu
braghera sa luna
arrampionat s'àmina
a sa notte e si la gighet fattu
peri montes e campiles prima
'e s'intuveddare in nues
majarzas, infilistrada de
rajos de prata, a ghisa 'e
damizella, comente chi
esseret issa de bonaura
s'isposa noale.

Cras sonnida,
a sos fettianos impreos
suos però sa luna
at a torrare
marranu si sas nues
bi an a èsser galu!

Inbetze, mai istraccu,
sos punzos suos de fogu
su sole
at a sighire a attrempare
subra sas coberturas
de su trighinzu meu
chin s'àghera 'e ruinzu,
su chelu liagadu 'e amarguras
e istajones che sempre
de peleas fìoridas
e... cundennas antigas.

Secondo premio sez B al XXII “CULLEZIU” SASSARI