| Cuntierra
Tres operaios subra ‘e unu silos,
a deghinas de metres dae terra,
no sun cue a gosar’ ‘entos in pilos
o bider’ prus affacca cussa perra
de chelu chi, frimmende cun istilos
de oro, sos meres, ojos a lutzerra,
sempre lis an prummissu. No. Sun cue
a nàrrere cun lìntzitu mudine,
pro chi bene l’intendas pure tue,
chi no est pro l’altesa su ‘addine
patidu, ma pro no ischire inue
siana sa rejone e-i su fine
d’una vida chi no dat prus tzertesa,
mancu cussa ‘e mutire cada die,
tott’umpare, sos fizos a sa mesa.
Ca, pretzisadu an sos meres ‘asie:
“No podimos isperdere ricchesa
pro cuntzèdere postu fissu a chie
est teraccu ‘e nadìa. Torraccontu
cherimos chi bi siat pro su mere.
Niunu bi remuzet un affrontu.
E sou irrevudabile dovere
est àere su coro sempre prontu
a imponnere su propriu crere
a su teraccu, pro chi creat beru
chi a su mere no podet esser’ frade
e chi cun su mezore cunsideru
no isettet sa nostra umanidade,
ma s’atzendat a Deus unu cheru,
pedèndeli unu pagu ‘e caridade”.
Tres operaios subra ‘e unu silos.
S’isteddache, un’unica lutzerra.
Dae cras l’ana nàrrer’ sos pabilos
cantu su trettu tra chelos e terra
eppat segadu o annattu sos filos
de custa nai morta cuntierra. |
Vertenza
Tre operai in cima ad un silos,
a decine di metri da terra,
non si trovano lì per godersi il vento tra i capelli
o osservare più da vicino quella
fetta
di cielo che, firmando con penne
d’oro, i padroni, occhi accesi d’avidità,
sempre hanno promesso. No. Sono lì
per dire con un sincero silenzio,
affinchè senta bene pure tu,
che non è per l’altezza il
senso di vertigine
sofferto, ma per non sapere dove
siano il motivo ed il fine
di una vita che non offre più certezze,
neanche quella di chiamare ogni giorno,
tutti insieme, i figli a tavola.
Perché, così hanno dichiarato
i padroni:
“Non possiamo disperdere ricchezze
Per garantire il posto fisso a chi
È servo per nascita. Profitto
Vogliamo che ci sia per il padrone.
Nessuno lo intenda come un affronto.
E suo irrinunciabile dovere
È trovarsi sempre pronto
Ad imporre il proprio credo
Al subalterno, affinchè accetti
Che del padrone non potrà mai essere fratello
E che, con le migliori intenzioni,
non si aspetti la nostra umanità,
ma accenda un cero a Dio,
chiedendogli un po’ di carità”.
Tre operai in cima ad un silos.
La volta celesate: un’unica fonte di luce.
Da domani lo diranno i documenti ufficiali
Quanto la distanza tra cielo e terra
Abbia reciso o rinsaldato i fili
Di questa annosa vertenza. |
