No ti azzardes pisedda
in sas cursas a rodèu,
si rùes, beru pro Deu!
ti guastas sa munnedda.

Cussos giogos abbandona
e no sias imprudente,
si a mie pones mente
faghes pius fiza 'ona...
Su rimproveru perdona,
ma ses tropu minredda;
a sezer a cadd'un sedda
tropu mi pares anisca...
Andare male in chisca
no ti azzardes pisedda.

Sas avvertenzias mias
proite no las intendes?
Si su bene lu cumprendes
ringrassiare mi dias;
ma de caddos sas manias
ti giughen a giogu fèu;
s'in cue chircas recreu
t'est fatale s'attrivida,
bi hat arriscos de vida
in sas cursas a rodèu.

Bortas meda t'apo nadu:
in giogos abberi s'oju!
E tue che rana in poju
b'has nquilla nadadu...
Ca pro istint'arriscadu
ses sighinde cuss'imprèu,
però su decoro intrèu
timo meda chi ti gioghes,
poi t'intenden a boghes
si rùes, beru pro Deu!

Già chi no poto piusu
leared'a manu tenta,
solu ti naro ist'attenta
de zessare dog'abusu,
a fagher de te mal'usu
no est iscraffiadedda;
como protest 'e cadredda
pro sa fata ramanzina:
si sighis cussa faìna.