A s’interrighinada
de custa die muda
una frina ‘e beranu mi carignat.
E sa terra aumbrada,
de su sole fiuda,
a su pasu ‘e sa notte si cunsignat.
E su chelu disignat
ispantos de colores
in sas nues attesu,
inube ancora atzesu
est s’ammentu ‘e sos dìligos fiores
chi su tempus coladu
pintados in su pettus m’at lassadu.

E sas umbras ch’ammuntan
de su mundu su dolu,
isterrinde su velu de s’isettu
in dies chi tramuntan
prenas de s’oriolu
de che lassare attesu onzi minettu,
cun fartas e penettu
de cust’andare intzertu
in s’àndala ‘e sa vida,
cun sa mente atturdida
e cun su coro a sa traschia abbertu,
preguntande a su fadu
ub’est chi sas isperas ch’at cuadu.

Bolan sos pensamentos
a dies consumidas
poninde fattu a bisos e afficcos,
in mesu a sos appentos
de sas oras fuidas
chena connoscher penas e pinniccos.
E oe in padros siccos
lentu movo sos passos
istérridos da ora.
E m’abbizo ch’ancora
debadas chirco sos antigos zassos
inube su recreu
mi fit cumpanzu in custu viver meu.

_____________________

Quest’andare incerto

All’imbrunire
di questo giorno silente
una brezza di primavera mi accarezza.
E la terra oscurata,
senza più il sole,
si abbandona al riposo della notte.
E il cielo disegna
meraviglie di colori
nelle nuvole lontane,
dove ancora acceso
è il ricordo dei delicati fiori
che il tempo passato
mi ha lasciato dipinti nel petto.

E le ombre ricoprono
la sofferenza del mondo,
stendendo il velo dell’attesa
in giorni che tramontano
pieni della smania
di tenere lontana ogni minaccia,
con errori e pentimento
di quest’andare incerto
nel cammino della vita,
con la mente stordita
e con il cuore aperto alla tempesta,
chiedendo al destino
dove ha nascosto le speranze.

I pensieri volano
a giorni consumati
andando appresso a sogni e propositi,
in mezzo ai trastulli
delle ore fuggite
senza conoscere patimenti e assilli.
E oggi in prati inariditi
muovo lentamente i passi
già stesi da tempo.
E mi accorgo che ancora
cerco inutilmente gli antichi luoghi
dove il piacere
mi era compagno in questo mio vivere.

11 maggio 2014

1°Premio alla XXIV Edizione del Premio di Poesia Sarda “Nanneddu Chighine”- Sez.poesia in rima ITTIREDDU 9 novembre 2014