Custu Fogu Lugat

Custu fogu lugat sas carreras
Umbe jogana fizzas de mamas
Lugat sos jogos in su ludu
Inturtadu chin abas proinzanas
Isperas de sole afritulidu
Lugat murinas dies de jerru
Azzuadas dae lughidas frammas
Lugat de cuntinu custas pizzinnas

Naschidas e abiadas in sinu
Trampana chin jogos trasenden die
Oh pestilenzias o grae caminu
Alvu de fritta granzola e nie
Iscurore! No b'atidi alvorinu!
Oh fogu chi ses adainnatis a mie
Lughi in su cozzolu su lacheddu
Su graliu de su prus minoreddu.

Giuanne Chessa 03.12.04 Dae “Pizzinnos”

===========

Questo fuoco illumini

Questo fuoco illumini i cammini
Dove giocano figlie di madri
Illumini i giochi nel fango
Bagnato con acque piovane
Infreddoliti raggi del sole
Illuminino scure giornate d’inverno
Aiutate da luminose fiamme
Sempre illumini queste bambine

Nate e sentite nel grembo
Giocano in giornate che trascinano
Oh sofferenza in pesante cammino
Bianco di fredda ghiacciata neve
Oh Buio! Non porta l’aurora
E tu fuoco che sei d’innanzi a me
Illumina la nascosta culla
Il vagito del più piccolo bambino

Nota – Carros de frasca apo idu tottu sa die !!
Che i sa pala de linna in bucca e furru chi mentit su pane , e posca sa palita e ferru lu ghindada, lu ponet a cara a fogu, che lu ogat a bozza , riende, lu appanedat e a sufidas lu ponede in sa banchitta ......... gai dae sa domo umbe manigos licanzos, sustentaini su disizzu, essiada sa zente e ateros umbuccaini sa ucca de sa janna....
Commo a dainnantisi de custas frammaridas, chi atini a chelu chentu zioddeddas, tramunadas in chelu, e morini olasina; pesso a chentu manos frittas, abertas...a unu puburustu e risu...... a lanzas titas chena latte de mamas, de intinu muriscas.....lanzas, romasas, siccas pizzinnas pregontana, chin sos ogros grogos....toccheddana a sa janna e s’anima mea.....toccheddana.....