DEO SO SARDU

Deo so sardu, no so poete,
ma iscrìo e canto senza pretesas.

Su ch’hap’iscrittu e su ch’iscrìo
est dettadu da-e su coro meu.

Ma pro esser bonos ite bi cheret?

Pensa un istante a coment’est bistada
sa vida nostra, cudda passada.

Si male hamus fattu a calicunu
chircamus como de rimediare.

D’amore e d’accordu nos damus sas manos
e damus a Cesare su ch’est de Cesare
e-a Deus su ch’est de Deus.

Pietro Chessa