De sa terra s’alenu
bintrat in pettus meu
e de sa vida intendo su murmuttu.
E in su coro prenu
m’intendo de recreu,
ca su sutzu assaboro de su fruttu
chi su tempus m’offerit
cand’ ‘e s’incras m’abberit
sa gianna ube mi bàntzigat s’ammuttu
de sa ‘oghe ‘e s’ispera
torrandem’intro lùghida e liera.

E lampizos mi ferin
in sos ojos transidos,
cun lughes in colore de s’ammentu
de bisos chi cunferin
sustentu a sos sentidos,
disizosos de currer cara a bentu
in anderas antigas,
chircande sas istigas
de sas muttas de gosu e ausentu,
chi travigare ancora
dia cherrer innanti ‘e s’ultim’ora.

A bolare mi peso,
cun alas incanidas,
subra sas baddes mias e sos rios.
E a su chelu arreso
custas cambas frunidas
de gosos e de pérdidos appios
nàschidos in sa mente,
appagada e dolente,
prena de donzi duda e disaffios
chi sa vida m’intregat
cando sas dies pàsidas mi negat.

Giorni sereni

Il respiro della terra
entra nel mio petto
e sento il mormorio della vita.
E nel cuore pieno
mi sento di sollievo,
perché assaporo il succo del frutto
che il tempo mi offre
quando dell’indomani mi apre
la porta dove mi culla la ninna nanna
della voce della speranza
che mi ritorna dentro libera e lucente.

E bagliori colpiscono
i miei occhi stupiti,
con luci in colore del ricordo
di sogni che concedono
alimento ai sentimenti,
desiderosi di correre incontro al vento
in antichi sentieri,
cercando le tracce
dei periodi di gioia e di riposo,
che frequentare ancora
vorrei prima della fine.

Mi alzo in volo,
con ali invecchiate,
sopra le mie valli e i fiumi.
E al cielo recito
questi versi adornati
di gioie e di perduti appigli
nati nella mente,
appagata e dolente,
piena di dubbi e contese
che la vita mi affida
quando mi nega i giorni sereni.

3 luglio 2014

1° Premio alla 23^ Edizione del “Prémiu ‘e Poesia Sarda Remundu Piras” – VILLANOVA MONTELEONE 2014