Dilliri dilli
dilliriana,
mandiga e bufa
si ti nde dana.

In custos tempos
male fadados,
babbos e fizos
disoccupados.

Totu chirchende
sos postos fissos...
Castas e cricas
pensan pro issos.

Economistas
draconianos,
mancu su pane
lassan in manos.

Totu pienos
de malas trassas,
tares e imu
murtas e tassas.

Cara Sardigna
terr-’e poetas,
incarrarzada
da sas bulletas.

Iscentziados
solones dotos
a cara manna
pedin sos votos.

Orijas surdas
mentes ischidas,
fabbricas burdas
totu faddidas.

In pagos annos
semus restados,
sena tribagliu
indepidados.

Dilliri dilli
dilliriana,
mandiga e bufa
si ti nde dana.

Menzione alla 23ª edizione del Premio di Poesia in Lingua Sarda “Sant’Antoni de su o’u” di Mamoiada