Dimandende a su tempus
di Rosina Cossu

Chie ses? So su tempus
Est bella cust’ edade tua
So cun tegus dae cando so naschida
meda cosa ti cherzo dimandare.
“Sese ancora troppu minore
Gioga pitzinna e godidi custa primavera
Est un incantu sa cara tua
Ti carigna su sole
T’ illumina sa luna
Sos ojos paren duas istellas
Comente rajos de lughe chi lughen in sa lughe .

Chie sese? so su tempus
Ses ancora meda bella
Pare chi deo ancora non tap’happe signadu
Oh ite bellu chi né piantos né amneos
Ancora non tan toccadu
Dae sa fortuna ses bistada carignada
Et innamorada ses ancora de sa vida

Chie ses? so su tempus
Prite cuss’iscurigor’ intr’ e su coro
Non nezas nudda, ca deo isco tottu
So deo s’artefitze de custu dannu
Prima t’happo fattu isbocciare
E tottu ammiraian custu bellu fiore
Ti pedo perdonu femina, non mi podia frimmare
Ca deo so su tumpus e non potto cambiare.