|
Disìzu
di Franco Maccioni
Disìzu
de unu mundu divrèssu,
ca semus coment’istontonados
da rajos malìgnos, disamparàdos
in sa pessone, in d'una realtade
chi de segùru no nos appartenet!
Disìzu
de unu mundu divrèssu,
inùe serrande a coloru sos ojos,
imploramos a Deus poite torret sa pàghe
in custu mundu, divrèssa dae custa,
infùsta coment'est de odiu e vinditta!
Disìzu
de unu mundu divrèssu,
inùe s'òmine at a campare semper
e senz’àteru mezus de como
si chircat de semenàre cuncòrdia
cun sentìmentos de amore!
Poesia finalista al 7° Concorso di Poesia “Màskaras”
di Terralba – 1° Dicembre 2007
|
