Disamistade
de Maria Luisa Pisanu

Pantumas nieddas, ispintas dae 'entu
andana lebias e cun ogru bassu,
paren monzas bessidas dae cumbentu,
in fardetta, in issallu, a bonu passu.

Prena es sa eresia, mudas sun sas laras
e siccos sun sos ogros de piantu;
mortu pizzinnu, lagrimas amaras
falana frittas, sutta nieddu ammantu.

Pregat sa mama, sola, imbrenugada
in sa capella, ch'an mudadu a fruscu.
A su fizu sa vida Fan truncada
e de sambene in s'aera andat nuscu.

Non sun finidos luttos e traschias!
In custa 'idda, prena 'e mala sorte,
passan sos annos, cambian sas zenias,
torrat s'odiu antigu e carrat morte.