In versos disincantados
– chentza s’ammaju de su cantu –
abbudronat parpàbile angore
chi rugrat note e die
e ispentumat subra mare e terra
in s’àlidu inchietu de unu portu
ue sas naes metzanas
indilighidas dae su tempus
no artziant prus triunfantes velas.
Assutzetadas in fundhales disconnotos
sas nodidadas paràulas de su vocabolàriu
e de poesia isvanit donzi sonu
umpare a s’atrivida e gania de emotziones.
Sa ‘oghe – bertulera de mutricore –
in sinnos indelèbiles de ammentos
caratzat s’anima in su bòidu
e fradhocu provvisòriu fitianu.
Su coro de ispugna abbortigada
est como aridu e incapatzu
de chircare s’arcanu incantu
e faghere ateros palpitos
pro noales passos imbenteris…

maju 2016

Disincanto

Di versi disincantati senza l’impulso del canto si coglie la palpabile angoscia che sdoppia notte-giorno e piomba addosso tra mare e terra nel respiro inquieto di un porto dove le vecchie barche infragilite dal tempo non issano più trionfanti vele.
Soggiacciono in fondali sconosciuti le salienti parole del vocabolario e di poesia svanisce ogni suono come l’azzardo di desideri ed emozioni.
La voce dei silenzi vaga tra segni indelebili e ricordi a mascherare l’anima nel vuoto e insignificante provvisorio presente.
Il cuore di spugna secca è adesso arido ed incapace di ritrovare il misterioso incanto e ricercare l’atarassia lirica* per nuovi palpiti-passi creativi.

*Del senso di disincanto e incapacità di ricercare una perfetta tranquillità e serenità d’animo nel “fare” poesia.