Una doza ‘e palas
chi ne so iscussertu,
mi-ne vocat su coro atera vhia.
Mi dolen ambas alas
dae canno han apertu
o chin nive su ventu e sa proghìa.
Massarizadu corju,
no acco paradorju,
ne ritzu e nen crocadu istat berria.
Battor dies a dozas,
chentza ischire comente e uve appozas.

Haite! Happ’a ischire ello puite
de sa carena han tremidu onzi vhite.

Ca ipo tranquillu bo-lu zuro,
como so caddhu thoppu cantu duro.

Lompidu haia sos trintatres annos,
como nove so chin pena e chin affannos.

B’est chie no atzettat su lamentu,
cheret intennere ateru talentu.

Potho cumprenner e li do rejone …
ma sa pala li dolet a Leone.

Jeo cumprenno e cumpatto s’anzenu,
aguranneli sanu e prus selenu.

Nuoro 13 dicembre 2013