E m'est incantu
di Larentu Pusceddu

E m'est incantu
mirare sa Natura
chi faeddat de te
cun sas bellesas
de dilicados fiores
chi profuman
de istajones luchentes
mamas armoniosas
d'incantadora poesia
chi daet zentilesa
a donzi coro.

E fachet iscrier
in su chelu
paraulas de amore
dae anzoneddas nues.

Tue mi cramas
cun su bentu
chi dae su mare
arrivat finu a mie.

As cherfidu sos ranos
de sa passione mia
in sa terra fecunda de amore.

E sa Natura ridente,
eternamente,
torrat a naschire.

(Segnalazione - "Romangia" Sennori 1979)