Comente mariposa
chi non podet bolare
fia deo; chena isteddos su chelu;
sicca finas sa rosa,
in chirca 'e acchimare,
sa vida impoberida 'e donzi anelu.
Su frittu e s'oriolu,
fin cumpanzos de giogu in su brassolu.

Solu e ismentigadu,
in manos de su 'entu,
e sa domo che tela de ranzolu;
presoneri e trampadu,
òrbidu de cheghentu,
vagabundande in chirca de consolu.
Nudu, postu in s'olvidu,
ogros che mare miran s'infinidu.

E mi penso pitzinnu,
cun su coro innotzente,
sighinde sas ormìnas de s'ispera,
po chircare unu sinnu,
in s'ànimu, in sa mente,
un' àndala chi fettat de lumera.
Fin nottes de margura,
cun manteddos e fascas de bruttura.

Ma est in cussu iscuru,
chi su lugore apo 'idu,
attere a manu tenta m'at leadu
in caminu siguru;
da' palas, istasidu,
de cussa rughe m'at illebiadu.
Retzidu apo cunfortu,
da' trobbeas e latzos m'at isortu.

Cun in coro sa brama,
torradu so a domo,
ancora est prena 'e dolu e de mugore;
e ne babbu e ne mama,
comente deris, como,
fini presentes po mi dare amore
abbratzandemi in coa;
...ma donzi albore est una vida noa.

___________________________

E mi penso bambino...

Come una farfalla
che non può volare
ero io, senza stelle il cielo;
appassita anche la rosa
che vuole germogliare,
la vita impoverita di ogni ardore.
Il freddo e l'affanno,
eran compagni di gioco nella culla.

Solo, dimenticato da tutti,
in balia del vento,
la casa come la tela del ragno;
prigioniero ed ingannato,
privo di ogni calore,
vagabondo in cerca di conforto.
Nudo, posto nel silenzio,
occhi come il mare miran l'infinito.

E mi penso bambino,
con il cuore innocente,
seguendo le tracce della speranza
per cercare un segno,
nell'animo, nella mente,
un sentiero di splendore.
Eran notti di sofferenza,
con pezze e fasce di bruttura.

Ma è in quel buio,
che ho visto la luce,
altri mi han preso per mano,
in un cammino sicuro;
e dalle spalle, stanco,
da quella croce mi han alleggerito.
Ho ricevuto conforto,
da pastoie e lacci mi han slegato.

Con in cuore il desiderio,
son tornato a casa,
è ancora piena di muffa e di dolore;
ne babbo e ne mamma,
come ieri, ora,
eran presenti per darmi un po d'amore
abbracciandomi nel grembo;
...ma ogni alba è una nuova vita.

Terza classificata al XXX Concorso di Poesia in Lingua Sarda “Sant'Antoni de su o' u'” - Mamoiada dicembre 2021