Sa 'idda mia, in epoca romana
e prima ancora, Ericium fit connotta.
In deos falzos bi creiat totta,
ma fit piena de caridade umana.
Sos romanos, in s'era cristiana,
in data non precisa ma remota,
si narat ch'epan perdidu una lotta
affacca a bidda, in d'una die istrana,
cun ischiavos battidos dai attesu.
Cando custos si suni liberados,
an sa palude ingrata attraessadu
e in Ericium infine sun parados.
Ma sos romanos, pro s'onore lesu,
in Perfuga su lumine an giambadu.