Eris o Oie?
di Giuanne Chessa

Pizzinnos currumpidos dae su tempus
Dischentes de mastros, legos ischìdos
Atinana chin cherveddu e corpusu
E inturtana faeddos de sos legos
Bestini in gusinu e no ischini prus
Cantu acchiddiana cussos loros
De cambasa chena peruna rima
No tessin frores, infartini aima

“oh cussos omineddos ispibiglios
su tempus costoit in su connottu
issos faghiana a ischighiglios
pennentes arrizendesi si rutu
currende suorados in petorros
gramaini chin sa mirada e s’utu
in sa gherra in cussa disaura
ratales de morte chena pastura”

Pizzinnos costuidos chin carazzas
Oie tenene sos graveglios in sa trava
Zigarru apilliadu a sas lavras
Inghiriana sos fogos de tuva
Faeddana imboligan che letrancas
Pertunta sa limba istan truva truva
Tenene aboiu in donzi festa
De cantones nde faghen cogorosta
“Femineddas a manos in laccu
inturtana pane pro sos omineddos
chi da lu frauzzana accorrados
attatendesi abrandende cascu
torran sustentos impurpurinados
a messare trigu ruju brundu calcu
ponene cantone a pizzinnu lanzu
“merda e noeddu finzas a pranzu”

Pizzinnos chin sas manos in bussaccas
Bebecana cantones de pisabios
Imborodende in arreionos
Paraulas in carrasegaradas
Chena madrighe urende sos bisos
Iffurran piras de pane abroadas
Mescran sanietes, pirizzolu e binu
Morin de gana e simula in sinu

Oltadu e pare e su tempus de oie
Leamus e faghimus a cuntrempru
Cazzendenos disizzos donzi die
Trunchende a mossos finzas su ferru
Dae custu no che ogo a mie
E no mento manu in su ifferru
no ischimus da umbe sula b’entu
ne i sas trassas de fogu isentu.

(finida 16/09/04)