Eroes ’e Nassiryah
di Franco Maccioni

Boghes de prantu
sena risu perunu
a sùbra pizzinnos,
fèltos in su coro
dàe sos proietiles,
isèttana làmbrigas
in terras anzènas!
Fròres intr’unu sacràriu,
quasi comènte un’istrada
chi poltat in chelu,
bettànde profùmos
e caldas làmbrigas!
Momèntos de tristura,
chi cunfundet in presse
amarèsa e sufferènzia
isettànde consòlu!

Un’ammèntu…
po custos eroes
fizos de custos tempos
arrivados prim’e sos àteros
in sa eterna paghe de su chelu!