Est bénniu su bentu stanotte
di Giovanni Piga

So’ solu
in s’aposentu meu, a luche morta,
chin sa mente affocada in sa mudesa.
In s’iscuru ’e sos pessos chene boche
a bellu a bellu sas manos
istiro
pro chircaren a dìlicu sas tuas.

Ma carinno s’imbìlicu ’e sa notte.

In cussu bòdiu frittu, iscarrainzu
sas labras meas de frina
sun sichinde sas tuas
che mariposas s’anima ’e su frore.
... Mi nch’ischido imbojau
in sos ùrtimos pòchios de sa notte.
Ebbìa su lucore isfiorìu
de un’isteddu secottianu,
fachéndeli s’azzinnu a su manzanu,
s’ispricat in su bridu ’e sa bentana.

Est bénniu su bentu istanotte.
Juchiat su nuscu tuo.
M’hat pipiau sos pessos
nudos che i sos tùnchios
de attonzos de siccanna.

At a arbescher sa die
chin su risittu tuo
ruju che i su mele ’e s’arborinu.
Beni!
pàrpidu ruju ’e sàmbene caente
respiru ’e terra-mama ingravidada
da-e lucores de arcu ’e chelu
a sangrare sas benas de s’iscuru.
Beni!
che sole ’e manu santa
a iscrarire
sas dudas appredadas
In sos corbarjos de sas dies meas.

Est bénniu su bentu istanotte.
Juchiat sas labras tuas.
M’at faveddau d’amore...
(o de piedu...?)

So solu
un’umbra in coro ’e s’umbra
mudu che istripittu e padente...

^^^^^^^^^^^^^^^^^^^^

E’ venuto il vento stanotte

Son solo
nella mia stanza, al buio,
con la mente annegata nel silenzio.
Nel buio dei miei pensieri muti
stendo pian piano le
mani
per cercare con tenerezza le tue.

Accarezzo l’ombelico della notte.

Nel freddo vuoto scarnito
le mie labbra di brezza
anelano le tue
come farfalle l’anima dei fiori.
... Mi desto, avviluppato
agli ultimi boccheggi della notte.
Solo il lucore sfiorito
d’una stella tardiva,
che ammicca al mattino,
si rispecchia alla finestra.

E’ venuto il vento stanotte.
Aveva il tuo profumo.
Ha blandito i miei pensieri
nudi come lamenti
d’autunni siccitosi.

Il giorno nascerà
col tuo sorriso
rosso come il miele dell’aurora.
Vieni!
palpito di sangue fervente
respiro di terra-madre fecondata
da bagliori d’arcobaleno
per fendere la mia tenebra.
Vieni
luce di mano santa
per fugare
i dubbi rappresi
dall’ombrìa dei miei giorni.

E’ venuto il vento stanotte.
Aveva le tue labbra.
M’ha parlato d’amore ...
(o di pietà...?)

Son solo
un’ombra nel cuore dell’ombra,
muto come uno strepito di selva...

Inverno ‘95