Est de chie ....

Su pane chi che fuglias dogni die
est de chie est poberu e famidu.
S’estimenta chi non t’as bestidu
est de chie est frittu chei su nie.
Sos marengos chi mudan’ a tie
sun de chie non nd’ada mai ‘idu.

Su inari chi tenes affriscadu
est de chie no nde possedidi.
Sa meighina chi ch’as fugliadu
est de chie, tristu, ti la pedidi.
Sa tecnologia chi as’ inventadu
est de chie nudda bi progredidi.

Su peddalzu est troppu minore
po s’incunza manna chi tenimos.
Mancari tribagliadu cun suore
su chi mos avanzat, lu perdimos
E poi nos bantamos cun onore
sa santa caridade chi faghimos.

Giovanni Michele Migali
Scano Montiferro