Natura pretziosa,
ses in dogni cuzone,
e s'òmine ti devet preservare.
Siat abe o rosa,
o crabittu o leone,
siant pazas o pisches de su mare.
Depimus rispetare,
sas aes e sos frores,
chi sunt in s'ort' 'e domo.
O lu faghimos como,
o non tenimos annos benidores.
Com' est zusta s'edade
pro sarbare sa bio-diversidade.

E su sole l'idides?
Oe ùrtimu ‘e s'annu
cardu cantu una die in beranu.
E totus già l'ischides,
chi custu faghet dannu,
a chie aperit ojos su manzanu,
minore o antzianu,
s'abbizat ch'in su mundu,
su tempus est mudande.
L'’idimos ch'est andande,
de die in die semper prus a fundu.
Non chirchedas abbrigu,
est s'òmine de s'òmine nemigu.

Est s'òmine chi brùsat,
sighind'a ponner' fogu,
sas forestas, sos campos e sa vida.
Est s'òmine chi usat,
luande in donzi logu,
velenos in sa Terra ch'est famida.
S'òmine l'at ferida
e como perdet sàmben,
isoltas sas nieras,
ingendradu chimeras,
fuliadu in su mare bascaràmen.
Pro cussu prus de prima,
patimos dannos mannos pro su crima.

____________

Natura preziosa,
sei in tutti gli angoli,
e l’uomo ti deve salvaguardare.
Sia ape o rosa
o capretto o leone,
siano alghe o pesci del mare.
Dobbiamo rispettare,
gli uccelli e i fiori,
che abbiamo nel cortile di casa.
O lo facciamo adesso
o non abbiamo futuro.
Ora è il tempo giusto
per salvare la bio-diversità.

Lo vedete questo sole?
Oggi ultimo dell’anno
caldo quanto una giornata in primavera.
E lo sapete già tutti,
che questo fa danno,
a chi apre gli occhi la mattina,
che sia piccolo o anziano,
si accorge che nel mondo,
il tempo sta cambiando.
Lo vediamo che si sta andando,
di giorno in giorno sempre più a fondo.
E non cercate riparo,
è l’uomo, il nemico dell’uomo.

È l’uomo che brucia,
continuando ad appiccare il fuoco,
le foreste, i campi e la vita.
È l’uomo che usa,
intossicando dappertutto,
veleni nella Terra che è affamata.
L’uomo l’ha ferita
e adesso sanguina,
ha sciolto i ghiacciai,
ha generato chimere,
e nel mare ha buttato l’immondezza.
Per questo più di prima,
soffriamo grandi danni per il clima.