Est tandus chi ti cantu
di Teresa Piredda Paoloni

Aporrimì sa manu
ti dd”ollu stringi”a forti
ma chentz’ ‘e t’ infadai
i’bisus chi ses fendi
e mancu pregontai
a innui ses andendi
ca su chi bivis oi
est un’antru caminu.
Innoi mancat su pani
est sànguni su binu
i’ bisus funti mudus
a suta ‘e su cuscinu
i’ bias de s’onori
scuriosas e strintas
me i’ matas pagus froris
i’ mentis ispollincas.

Epuru ti biu
in dònnia sprigu de àcua
tueddas e campuras;
m’agiudat su pentzai
ca ses s’ala ‘e su entu
sa ‘omu de ancà piscu
po binci su trumentu
cumpudendi sa vida
chi stugiat is temuras
in s’aposentu bonu.

Est tandus chi ti cantu
or’oru de cuss’arnu
e in mimi ti fais sonu
stringend’unu unu pipiu.

Aporrimì’ sa manu
beranu ‘e custa terra
e prus a forti inserra
su trigu de messai.
Deu sodigu a cantai
ca annoi puru
che-i-in cussu Logu
ancà imoi luxis
nc’at èssi” pani e binu
chene grùxis.

3° Premio - Sezione Poesia a tema libero al Benvenuto Lobina di Villanova Tulo - 2012