Est una 'oghe pasida ch'intendo
una campana 'etza e atonada,
mi sonat druche druche in sa notada
cando corcadu sa paghe pretendo.

Da ue arrivat subitu cumprendo
pro chi non nd'ido pius sa pupada,
ma s'anima non s'abarrat serrada
issa est libera e deo non la prendo.

Una 'oghe ch'arrivat da lontanu
da segus de sas nues, da cudd'ala,
da cuss'illacanadu mundu arcanu,

finas chi mi serrat sas puppias
delicada che movida de ala(s):
est mama, chi mi cantat sas ninnias.

Seconda classificata - Sonetto - Cuncursu 'e poesia Peppinu Mereu - Tonara 2014