A bos mirare mi ponides dolu
nurras e predas chi azes serradu
de sa sardigna su tempus passadu
de un’ammentu chi non leat bolu.
intro e mente sezis vois solu
pro ischire su ch’it umbe so nadu
predas chi mai su tempus at ruttu
dade risposta a custu coro assuttu.

Faeddademi vois predas mias
nademi sos secretos sugellados
nade de cuddos chelos isteddados
chi bos ana basadu tantas vias
cale barbaros cantos de istrias
bos’an cuvadu a sos coros amados
nade bois su modu e sa manera
pro nos torrare cudda istima vera.

Nade de babbos contade de mamas
su c’azes bidu a nois naride
memorias arcanas aperide
dadennos de s’istoria sa trama
galu nos brujat sa puntida lama
de su segretu chi bois juchides
naze chie chin bois at dormidu
de s’ammentu chi azes sepellidu.

Martu, 2016