Oe pido sa paràula,
nde tenzo su dirittu,
e sos umanos mi devent iscurtare;
tottu su chi m'ant fattu,
giai lis torrat infattu,
est arribada s'ora de cambiare.
Sos males e sos dannos,
chi m'ant causau pro annos,
unu pro unu los podies contare
e si no la finides
pro manu 'ostra ettotu bos perdides.

Ais sulau in sas aeras,
fumu ranchiu, velenos,
chi subra conca bos torrant a falare.
Ais iscazau nieras,
e ghetau chena frenos,
plàstica e bascaràmene in mare.
Sos buscos ais brusiadu,
e pustis ais aradu,
chen' ischire ite cheriais prantare.
Ais isperdiu animales,
provocadu a su mundu solu males.

Ìndia, una tzitadina:
Bhopal, l'azis luada
e mai nessunu prus l'at a sanare.
Chernobyl, Ucràina,
l'azis abbandonada
morta pro unu disastru nucleare.
De petròliu una vena
imbèrghidu at sa rena,
su fundu e sas abbas de su mare:
s'Otzèanu Messicanu
est diventau prus niedd' 'e unu vulcanu.

Como ponem' in mente,
òmine de sa Terra,
iscurta a mie e comintz'a pentzare.
Si ses intellizente,
l'acabbas custa gherra,
cumprendende ch'est ora 'e moderare,
sa 'ostra abbramidura,
contra a mie Natura,
est arribau su tempus de frimare.
Si non' 'a mala gana,
iscries sa fine de s'ispètzie umana.

________________

Oggi chiedo la parola,
ne ho diritto,
e gli umani mi devono ascoltare;
tutto quello che mi hanno fatto,
gli si sta rivoltando contro,
è arrivata l’ora di cambiare.
I mali e i danni,
che mi hanno causato per anni,
li potete contare uno per uno
e se non smettete
vi perderete facendovi male da soli.

Avete immesso nell’aria,
fumo amaro e veleni,
che sono ricaduti sulla vostra testa.
Avete sciolto i ghiacciai,
e buttato senza freni,
plastica e spazzatura nel mare.
Avete bruciato i boschi,
poi li avete arati,
senza sapere cosa volevate piantare.
Avete estinto animali,
provocato al mondo solo mali.

India, una città:
Bhopal, l'avete intossicata
e nessuno mai più la potrà sanare.
Chernobyl, Ucraina
l'avete abbandonata,
morta per un disastro nucleare.
Una vena di petrolio,
ha sommerso la sabbia,
il fondo e l’acqua del mare:
e il Golfo del Messico
è diventato più nero di un vulcano.

Ora dammi retta,
uomo della Terra,
ascoltami e inizia a pensare.
Se sei intelligente,
termina questa guerra,
capendo che è ora di moderare
la vostra avidità,
contro di me Natura
è arrivato il tempo di fermare.
Altrimenti di brutta voglia
scrivi la fine della specie umana.