(po sa dispedida de compare Renzo Rosa)
19-03-2019

Cando, paris cun ateros poetas,
peri sos palcos, piatas e salones,
ammanizande rimas e cantones
brullànas e, a boltas, inchietas…

Cando buglia in dae sas iscetas
cuddos contos, cun alas de puzones
bolait sa fantasia a muliones
inanti sos nuraghes e pinnetas…

Como faghìdes falta! Su fiore, *
perdinde su profumu e sas ispinas,
at cambiadu de àbbidu e colore.

Ma non si perden sas bonas fainas!
S’afàbile pinzellu ‘e su pintore
costoit in eternu sas olminas!

*sa Rosa

In Iscanu, su mes’e Martu de su 2019
Compare Antoni Piras (Ninni)