Bos ap’appidu in d’un’Isula antiga
mentres chircaia in chiliros de pensamentu
in camineras bias chi cantan sa vida
sa manera de fundere s’oro de su tempus.

Umpare cun alas de lughe lughente
amus bidu s’ispantu de sos fiores
ingraidadu sa pupía de sa mente
che abes in su casiddu de sos colores.

Massaju de sos misterios de su mundu
apo semenadu sas menzus majías
de su Pensamentu chi ballat intundu:
Sun náschidos fiores de Poesia

su chi non t’isettas de s’inamoramentu
su tunciu de su gosu de s’amore
su piantu iscossoladu de su ‘entu
sos versos de su tempus benidore.

Azis basadu cun laras de amore
sa ‘ucca de s’anima mia de s’Essere meu
fizu disterradu de su Mudigore
illaccanadu nuschende su bellu su feu.

Oh! mamas chi ‘enides che Parcas cantende!
Ammajadoras m’azis fattu náschere a nou
intundu a su ballu de sa vida ballende
iscurtende su faeddu de s’amore sou.

Sezis istadas jogulu de su sambene meu
teraccas fideles de su dolore
antzillas istimadas de su morrere meu
amantes ingraidadas dae s’amore.
Che mamas azis abertu coros e bias
pro pigare e falare dae su chelu
connoschere s’ojada de cussu Deus
chi si cuát in dogni cara ‘e zenías.

Amus mandigadu a sa mesa de sa die
su pane de sa peráula, de s’amistade
bidu su inu de su sacrifitziu pro a Tie:
Nutrimentu de ogni vida de ogni soledade.

Oh! Feminas animas bellas e istimadas!
Semus ancora umpare in su nidu de sos ammentos.
Sa ‘oza de ‘ois est semper bia durches e galanas!
Est s’alimentu de sa nostalgia sa fortza de sos ‘entos.

Est su piantu de su segretu cuádu
rinuntzia de sos Anghelos de su chelu:
Vestales de su disizu illaccanadu…

________________

DONNE ANIME AMATE

Vi ho incontrato in un’Isola antica
mentre cercavo in setacci di pensiero
nei sentieri vivi che cantano la vita
il modo di fondere l’oro del tempo.

Insieme con ali di luce cangianti
abbiamo visto lo stupore dei fiori
fecondato la pupilla della mente
come api nell’alveare dei colori.

Contadino dei misteri del mondo
ho seminato i migliori incantesimi
del Pensiero che danza intorno:
Sono nati fiori di Poesia
l’inatteso dell’innamoramento
il gemito del piacere dell’amore
il pianto sconsolato del vento
i versi del tempo che viene.

Avete baciato con labbra d’amore
la bocca della mia anima del mio Essere
figlio esiliato del Silenzio più profondo
sconfinato annusando il bello il brutto.

Oh madri che venite come Parche cantando!
Ammalianti mi avete fatto rinascere di nuovo
intorno alla danza della vita ballando
ascoltando il discorso del suo amore.

Siete state culla del mio sangue
serve fedeli del dolore
care ancelle del mio morire
amanti fecondate dall’amore.

Materne avete aperto cuori e vie
per salire e scendere dal cielo
conoscere lo sguardo di quel Dio
che si nasconde in ogni volto.

Abbiamo mangiato alla mensa del giorno
il pane della parola dell’amicizia
bevuto il vino del sacrificio per Te:
Nutrimento di ogni vita di ogni solitudine.

Oh! Donne anime belle e amate!
Siamo ancora insieme nel nido della memoria.
La voglia di voi è sempre viva dolci e leggiadre!
È l’alimento della nostalgia la forza dei venti.

È il pianto del segreto nascosto
rinuncia degli Angeli del cielo:
Vestali dell’infinito desiderio…

PREMIO FIDAPA 2020 Sassari: Menzione d’onore.
LA COULEUR D’UN POÈME 2021: 2° Premio poesia in vernacolo