Intronant in s’aera
sas boghes de sas brigas,
in càntaru de sàmben’est sa Terra.
Sighende cust’andera
de faddinas antigas
brujamus tot’ in fogos che in gherra.

S’intendet addorojos
ispartos in su mundu,
sa Mama Sacra pro fizos ingratos
infustos at sos ojos
ch’amus tocadu fundu
chin sos abbunzos ch’’atint disacatos.

Sicagn’ in donzi logu,
sidid’est su terrinu,
criadura de abba disizosa,
e malos ponefogu
nos brujant de continu,
pantàsima niedda terr’isposa.

De undas de caentu
nde sufrit su creadu,
b’at campos saliosos in desertu,
nieras in turmentu,
s’isolvet log’astradu,
su benidor’ est galu med’ intzertu.

E nos semus luende
sos donos de natura,
pro gosos e richesas frionzeddas
si sunt acurtziende
dies de amargura
pro imbàglios de macos a cheddas.

Pedimu su perdonu
a su cread’ intreu,
su s’incras fraigamu prammu-prammu,
siant dies de bonu
e finat cust’anneu
de sos fiores mortos pro isprammu.

__________________

Fiori atterriti

Rimbombano nell’aria
le voci dei conflitti.
La Terra si sta dissanguando,
di questo passo,
ripetendo errori antichi,
bruceremo nei fuochi come in guerra.

Si sentono le urla di dolore,
diffuse in tutto il mondo,
Madre natura per i suoi figli ingrati
ha gli occhi pieni di lacrime,
perché abbiamo toccato il fondo
inquinando e provocando disastri.

Aridità in ogni luogo,
la terra ha sete,
reclama l’acqua come un bimbo assetato,
e dei biechi piromani
bruciano il suolo senza tregua,
la Terra sembra uno spettro scuro,
un tempo era sposa felice.

Il creato soffre
per le ondate di calore,
avanza il deserto nei campi un tempo fertili,
i ghiacciai sono in movimento
e si stanno sciogliendo,
il nostro futuro è ancora molto incerto.

Ci ostiniamo a inquinare
i doni della natura
barattandoli con ricchezze e gioie effimere.
Si stanno avvicinando
giorni di amarezza
per gli errori di torme di incoscienti.

Chiediamo perdono
a tutto il Creato,
costruiamo il domani palmo a palmo,
speriamo in giorni sereni,
si ponga fine alla tristezza
dei fiori morti per lo spavento.

Terranoa, 12 /08/2022

Mentzione d’onore in sa XXII editzione de su Prèmiu Paulicu Mossa de Bonorva