De su sole semus fizos,
Pelègrinos de su mundu
In mesu a tantos fastitzos
Giramus sa terra in tundu..

Imbucchende su caminu,
Sa fide nos est amiga,
Cando amus pan’e binu
Nos paret bella sa vida…

Mare, chelu e terra noa,
Sunt potente calamida,
Chi nos ponet a sa proa,
Note e die, est un’isfida..

Cun balentia e cun decoro…
In sa mente giughimus
Un’’ispera manna e forte

In sos ojos e in su coro,
amus pro bona sorte,
Su sole ch’in nois tènimus.