A car'a mesudie
sos puzones famidos
cun alas de apprettu
a trumas
pesan bolu
dae s'atta 'e sos rios
de ludu.

S'ierru est a toccheddu...

Urulende l'intendo
in sa malinconia 'e sos intrighinos,
in s'alenu arrughidu
'e su 'entu,
in sas lagrimas de su tempus
chi a isbramidas
totu s'ingullit...

Die pro die
sa vida s'isvoligat
istudende chimeras
fozas mortas
chi ruen
e su 'entu che trazat...
che nues atunzinas
chi si sorven
in piantu 'e isperas...

S'azzola 'e sa vida
s'arminat impresse
e intesset dae nou
cun tramas de 'iddia
e de lentore
s'anima chenz'anima
_______ 'e s'omine...